Marlie Daemen, 56 jaor.

Marlie Daemen, dochter van Lambaér en Beppie Daemen en zöster van Marian, mam van Xenia en Nadia Armino, woont in Zitterd, in de wiek Euverhaove.

Beppie is vööl te vruig euverleje op 45-jaorige laeftied. Marian is op 35-jaorige laeftied euverleje.

 

Lambaér waor ooze penningmeister en ruum 25 jaor biej oos vereiniging aktief, hae is ouch vööl te vruig euverleje (aug. 2015) op 76-jaorige laeftied.

Marlie haet noa ein gedege opleiding van ooze veurige bekker, Henk, de nónnevotte lere bakke, Henk zei al metein dat het eine gouwe leerling waor. Dees nónnevotte brènge veer al eine hele lange tied róndj de vastelaovend nao vööl gouwe doele, bejaarde, gehandicapte enz. in Zitterd en ómsjtreke.

Marlie haet oos belaof óm ’t geheim recep van oos nónnevotte mit nemes te deile, zelfs de lede van oos vereiniging höbbe geine weit van de ingrediënte van dit heerlijke gebekske.

Marlie vertèlde oos dat het de eesjte nónnevotte ónger supervisie van de pap haet gebakke in juli 2015 en die haet hae ouch es eesjte maage pruive, helaas waor dit veur häöm ouch taevens de lètste.

Sjpannend! Mer gelökkig is het mit vlag en wimpel gesjlaag en bak het pès op de daag van vandaag zo’n 3500 nónnevotte jeder jaor veur oos vereiniging. Het haet ziene pap op zien sjterfbèd belaof óm dit te blieve doon veur zien clubke en die belofte kump het nao.

Daoróm haope veer dat veer nog heel lang van dees nónnevotte, de lekkesjte van Zitterd, maage geneite.

 

‘T besjtuur en lede van de NónnevotteClub Zitterd